E moj Legi va velen dele san, niman vremena otpret komp. Lepega svraba san se nabral. Bil san preoptimističan na početke da ću finit za 3 šetemane, sad ne znan ako će bit do Božića. Palil san pituru skoro 7 dan. Neke djelove madira san zamenil. Za saki madir mi treba 1 dan (meri, stori šablonu, reži, stavi,skini, blanjaj, brusi, stavi,skini, blanjaj, brusi....) i ode pol dana.
Evo neć san storil. Nakon 10 dan već se počelo videt kroz madire pored kolumbe, onda san počel polevat saku večer, pa je opet malo stisnulo. Sad je ovo loše vreme ne more se piturat, ali se ne rasušuje (srećom storil san nadstrešnicu pa moren delat i po dažju). Iman dela i bez pituranja. Za madire san zel ariš (ni sibirski nego sa Korduna). Tavalon od 8 cm, izašle su samo 4 daske (sredina škart). Piljeno na cirkular, a cirkular zanaša. Koštalo me 400 kn tavalon + piljenje i blanjanje 100 kn. Na kraju ni ni za 3 madira. Drugi put gren va pilanu na Grobnišćinu.
Nabavil san i teflonske ležajeve (bukole). Do propele je imel lufta pol centimetra, onaj ležaj do motora kade je mazalica bil je sav zgoren. Ove mjere ležajeva nisan našal va butege (ležaj teflonski do propele 200 kn) sva sreća, aš su mi ih storili za bocu rakije.
Za sad toliko pozdrav!!